चितवन । प्ये छ्या क्होइबो तमू समाजले भरतपुर–२१ सीतापुरमा क्होइबो निर्माण गरेको छ। उक्त क्होइबोको शुक्रबार विधिवतरूपमा पूजापाठ गरी उद्घाटन गर्ने तयारी गरिएको छ। नवनिर्मित क्होइबो धीँको उद्घाटन पूर्व बिहीबारदेखि नै पूजापाठ सञ्चालन गरिएको कार्यक्रम संयोजक नारायण थिम्जे तमूले जानकारी दिए।
क्होइबो उद्घाटनको लागि पच्यु खेगीद्वारा छ्योपा त्हें (सृष्टि पूजा), क्ल्हेप्रीद्वारा पैल्हु त्हें (कूल पूजा), बोन लमद्वारा ह्योंखु त्हें (सह पूजा) सञ्चालन गरिएको उनले बताए। शुक्रबारको दिन भने बिहान १० बजेदेखि नै विविध सांस्कृतिक कार्यक्रमसहितको भव्य कार्यक्रम आयोजना गरिएको कार्यक्रम संयोजक तमूले जानकारी दिए। कार्यक्रममा उपस्थित हुनका लागि विभिन्न समूहलाई मौलिक पोषाकसहित ब्यानर लिएर आउन आग्रह गरिएको छ।
