लण्डन । बेलायत निवासी संगम तमूले मोएय थाइ खेलमा पूनः विजय हासिल गरेका छन्। नोबेम्बर ९ शनिबारका दिन लन्डनस्थित विशोप स्टारर्फोर्ड लिजर सेन्टरमा भएको खेलमा प्रतिद्वन्द्वी बेन पेटमनलाई हराउँदै संगमले जीत हासिल गरेका हुन्।
यो खेल थाइल्यान्डबाट शुरु भइ हाल संसारभरका युवामाझ निकै लोकप्रिय छ। यो खेल किक बोक्सिङ खेल जस्तै हो, हातखुट्टा दुबैले हान्नु र रोक्नु पाँउछ, निकै खतरनाक मानिन्छ। हालसम्म १० खेलमध्ये २ हार र ८ खेल जितिसकेका छन् संगमले। लण्डनको क्लब स्तरीय खेल खेल्दै आएका संगम द नओस्ले एकाडेमी क्लवमा आवद्ध छन्।
स्याङ्जा जिल्ला फेदिखोला गाउँपालिका देउराली स्थायी घर भएका शिवचन्द्र गुरुङ र मीरा गुरुङका जेठो छोरा हुन् संगम। यो खेल खेल्नुमा बाबा शिवचन्द्र र आमा मीरा गुरुङले सधैं साथ दिँदै आइरहेका छन्।
