न्युयोर्क । तमु परिवार न्युयोर्कले गत शनिवार न्युयोर्कमा ल्होछार तथा सांस्कृति साँझ २०८० भब्यरुपमा मनाएको छ । ३० डिसेम्बरको दिन न्युयोर्कको क्विन्स स्थित टिबेटन कम्युनिटी सेन्टरको हलमा तमु परिवार न्युयोर्कले हि ल्होको बिदाइ र मुप्ह्री ल्हो तमू ल्होछार कार्यक्रमको आयोजना गरिएको हो।
अध्यक्ष मनिता गुरुङको अध्यक्षता एवं कार्यक्रम संयोजक सरोज गुरुङ सक्रियतामा भव्यताका साथ सम्पन्न भएको हो ।
संस्थाकी अध्यक्ष मनिता देबी गुरुङले कार्यक्रममा बोल्दै संस्थाका आजीवन सदस्यहरुले समाजप्रति देखाएको दाइत्वलाई उच्च सम्मान सहित प्रशंसा गर्नु भयो ।
संस्थाका सचिब देबी जंग गुरुङ औपचारिकता गरेका कार्यक्रममा संस्थाका सल्लाहकार अर्जुन घलेले स्वागत मन्तब्य राखेका थिए ।
कार्यक्रममा संस्थाको हितको निमित्त अहोरात्र कार्यगरेको बिशेष मुल्यांकन गर्दै दीपक गुरुङ र किर्ती घलेलाई प्रशंसा पत्र प्रदान गरिएको थियो । सोहि कार्यक्रममा रूथमान गुरुङ र गुरुङ समुदायलाई नेतृत्व गरि नेपाली गीति संगीतमा उल्लेख्य योगदान पुर्याई आफुलाई एक सफल गायिकाको रुपमा स्थापित गराउन सफल भएकोले गायिका तृष्णा गुरुङ लाई बिशेष सम्मान गरेको थियो ।
दोश्रो चरणको मनोरंजन कार्यक्रममा आफ्नै समुदायका गुरुङ कलाकारहरुले बिशेष प्रस्तुती दिएका थिए । मनोरंजन कार्यक्रमलाई सांस्कृतिक कार्यक्रम संयोजक सरोज गुरुङले अनुमती प्रदान गर्दै सुरुवात भएको कार्यक्रमको संचालन माया गुरुङ र शक्ति राज गुरुङ गरेका थिए । संस्कृतिक कार्यक्रममा घाँटु नाच, तमु गीत नृत्य तथा नेपाली गीतमा प्रस्तुती राखेका थिए ।
संस्कृतिक कार्यक्रमका नृत्यको कोरियोग्राफी बरिष्ठ नृत्य निर्देशक गोबिन्द राई र गौरी लामाले गर्नु भएको थियो ।
गत वर्ष तमु परिवारले कृष्ण चरित्र नाच लाईभ प्रस्तुत गरेकोमा यस वर्ष लाईभ घाँटु नाच प्रस्तुत गरेको थियो । घाँटु सरीहरू सोफिया गुरुङ र आइरिस घले अमेरिकामै जन्मिएर पनि आफ्नो मौलिक संस्कार र संस्कृति प्रती रुची देखाऊँदा अभिभावक हरु पनि हर्सित् भएको घाँटु गरुले बताऊँनु भयो ।
संभवत संयुक्त राज्य संघ अमेरिकामा लाईभ कृष्ण चरित्र र घाँटु नाच प्रस्तुत गर्ने पहिलो संस्था हुनु पर्छ ।
उक्त लाईभ घाँटु नाचमा घाँटु गुरु लाल बहादुर गुरुङ, संस्थापक घाँटु गुरुआमा तथा तमुपरिवारको आजिवन सदस्य चिनु घले, गुरुआमाहरु लाल माया गुरुङ, चन्द्र काशी गुरुङ, ज्ञानु गुरुङ घाँटुसरी सोफिया गुरुङ, आईरिस घले बाध्यवादन तथा गायनमा मनित गुरुङ, प्रेम गुरुङ र अन्य साथी हरुले घाँटु गुरुलाई साथ दिनु भएको थियो भने कार्यक्रममा त्रिशूल घले, राजेन्द्र गुरुङ, लाहुरे कान्छा (अर्जुन), मनित गुरुङ, ज्योति गुरुङ र तृष्णा गुरुङले गीत प्रस्तुत गर्नुभएको थियो।
कार्यक्रमको अन्त्यमा बोल्दै सभाध्यक्ष तथा तमु परिवार न्युयोर्ककी अध्यक्ष मनिता गुरुङले कार्यक्रममा पाल्नु भएका सम्पुर्ण पाहुना, सघाउ पुर्याउनु भएका सम्पुर्ण सहयोगीहरु, स्वयंसेवकहरु, आयोजक समितीका सदस्यहरु र कलाकारहरुलाई धन्यवाद ब्यक्त गर्नु भएकी थिईन् ।
