तनहुँ । नेपाल तमू (गुरुङ) विद्यार्थी छोज धी जिल्ला कार्य समिती तनहुँले जिल्लाका तमू विद्यार्थीहरुलाई शैक्षिक सामाग्री वितरण गरेको छ । तमू विद्यार्थी छोज धींले तमू फिल्म प्रदर्शनबाट संकलन भएको रकमबाट बुधबार शैक्षिक सामाग्री वितरण गरेको हो ।
संस्थाले केही समय अघि दमौलीमा रोधी डिजिटलको प्रस्तुती तमू फिल्म रिपा प्रदर्शन गरेको र सोबाट संकलित रकमले व्यास ११ भर्याङ्दी र म्यादे १ का जेहेन्दार तमु विद्यार्थी भाइ बहिनीहरुलाई शैक्षिक सामाग्री बितरण गरेको तमु विद्यार्थी छोज धी तनहुँका अध्यक्ष मिलन तमुले जानकारी दिए ।
