मकवानपुर : मकवानपुरमा गुरुङ भाषाको खेमा लिपी प्रशिक्षण कार्यक्रम सुरु भएको छ । नेपाल तमू विद्यार्थी छोंज धीं केन्द्रिय कार्यसमितिको आयोजना तथा नेपाल तमू गुरुङ विद्यार्थी छोँजधीँ मकवानपुर जिल्ला कार्यसमितिको आयोजनामा थाहा नगरपालिका वडा नम्बर ५ पालुङ फुर्केमा शुक्रबारदेखि तीन दिने खेपा लिपी सम्बन्धी प्रशिक्षण कार्यक्रम सुरु भएको हो ।
थाहा नगरपालिका वडा नम्बर ५का वडाध्यक्ष विष्णु बहादुर गुरुङ, नेपाल तमू (गुरुङ) विद्यार्थी छोंज धीं का पूर्व केन्द्रिय अध्यक्ष तथा खेमा लिपिका अभियानता भीम गुरुङ, तमू (गुरुङ) विद्यार्थी छोंज धीं का केन्द्रिय अध्यक्ष पवन गुरुङ, उपमहासचिव अनिल गुरुङ संगठन विभाग प्रमुख सविन गुरुङको लगायतको उपस्थितिमा समुद्घाटन कार्यक्रम सम्पन्न भएको थियो । आइतबार सम्म चल्ने प्रशिक्षण कार्यक्रममा दुई सय भन्दा बढीको सहभागिता रहेका छन् ।
सो अवसरमा थाहा नगरपालिका वडा नम्बर ५ का वडाध्यक्ष विष्णु बहादुर गुरुङले थाहा नगरपालिका बासी गुरुङहरुका लागि किताव (सौजन्य) उपलब्ध गराउनुभएको छ ।
नेपाल तमू (गुरुङ) विद्यार्थी छोंज धीं का पूर्व केन्द्रिय अध्यक्ष तथा खेमा लिपिका अभियानता भीम गुरुङ प्रमुख प्रशिक्षकको रुपमा रहनुभएको छ ।
