पोखरा । तमू प्ये ल्हु संघ केन्द्रिय युवा समितिले ३२औं स्थापना दिवसको अवसरमा तमू समुदायको उत्पत्ति र सम्पदा, परम्परागत, संस्कृति, अभ्यास र अहिलेको चुनौति विषयमा अन्तरक्रिया कार्यक्रम सम्पन्न भएको छ ।
कार्यक्रममा डा. टेक बहादुर गुरुङ र डा. पोल बहादुर क्रोम्छे तमूले कार्यपत्र प्रस्तुत गरेका थिए ।
संस्थाका संस्थापक अध्यक्ष ईन्द्र बहादुर तेल्मेको प्रमुख आतिथित्यमा भएको कार्यक्रममा वोनमार्गी तमु प्ये ल्हु संघ सर्दीखोला ईकाईका अध्यक्ष भिम बहादुर गुरुङ, तमू प्ये ल्हु केन्द्रिय महिला समितिका वरिष्ट उपाध्यक्ष पुर्णिमा कुमारी गुरुङ, तमू धीं नेपालका बरिष्ठ उपध्यक्ष सुबेदार मेजर श्री प्रसाद गुरुङ, तमू प्ये ल्हु संघ युकेका अध्यक्ष देवबहादुर योज तमू, भूतपूर्वआइजीपी हेमबहादुर गुरुङ, तमू प्ये ल्हु संघ केन्द्रीय पूर्वअध्यक्ष रुप बहादुर गरब्ज, तमु प्ये ल्हु संघका संस्थापक सदस्य भवर पाल्जे तमू र यारजङ्ग क्रोम्छेले शुभकामना मन्तव्य राखेका थिए ।
तमू प्ये ल्हु संघ केन्द्रीय युवा समिति का अध्यक्ष सुक बहादुर गुरुङको अध्यक्षतामा भएको कार्यक्रममा तमू जातिको उत्पत्ति र सम्पदाको बारेमा डा. टेकबहादुर गुरुङ र तमु समुदायको परम्परागत संस्कार अहिलेको चुनौतीबारे डा. पोलबहादुर गुरुङले कार्यपत्र प्रस्तुत गरेका थिए ।
डा. टेकबहादुरको प्रस्तुतिमा टिप्पणीकार पुर्वप्रहारी महानिरिक्षक हेमबहादुर र डा. पोलबहादुरको कार्यपत्रमा टिप्पणीकार गुरुङ साहित्यिक मञ्च नेपालका अध्यक्ष तेजबहादुर च्याहक्लि थिए । कार्यक्रममा स्वागत मन्तव्य संस्थाका वरिष्ट उपाध्यक्ष पुर्ण कुमारीले राखेका थिए ।
सम्पुर्णलाई अशिमलँ पच्यु कुल प्रसाद गुरुङले दिएका थिए भने कार्यक्रम सञ्चालन युवा समितिका महासचिव पवित्र गुरुङले गरेका थिए ।
