लण्डन । साउथ इष्ट रिजनल तमू धीँ लण्डनले तमू (गुरूङ) सञ्चारकर्मी संघ नेपालका केन्द्रीय अध्यक्ष लाला गुरूङसहित विभिन्न व्यक्तिहरुलाई सम्मान गरेको छ। २९ डिसेम्बरका दिन तमू ल्होसार/ल्होछार पर्व मनाउने क्रममा नेपालबाट आएका सञ्चारकर्मीका अध्यक्ष गुरूङसहित तमू धीँ नेपालका अध्यक्ष हुम गुरूङ, तमू धीँ युकेका अध्यक्ष जुमकाजी गुरूङ, तमू समाज युकेका अध्यक्ष विन्दु गुरूङ घले र मेजर डा सुदर्शन गुरूङलाई सम्मान गरेको हो।
यस्तै तमू पोसाकमा प्रथम हुने महिलातर्फ धनु घले, पुरूषतर्फ रामबहादुर गुरूङ र सान्त्वना हुने सम्पन्न गुरूङलाई प्रमाणपत्रसहित सम्मान गरिएको थियो।
संस्थाका अध्यक्ष प्रेमकुमार गुरूङको संयोजकत्वमा सांगीतिक कार्यक्रमसहित मनाएको ल्होसार/ल्होछार विशेष कार्यक्रममा नेपालबाट आएका कलाकारहरुले संगीतमय बनाएका थिए।
सन् २००२ मा स्थापना भएको संस्थाले आयोजना गरेको कार्यक्रम यस वर्षको कार्यक्रम रोयल बोरोग अफ ग्रीनबीचका मेयर जीत रानाभाटले पानसमा बत्ती बालेर उद्घाटन गरेका थिए।
